Berikut ini adalah materi khutbah jumat bahasa sunda setelah bulan Ramadhan dengan judul Nuluykeun Kabiasaan Maca Al-Quran.
Materi khutbah jumat bahasa sunda singkat padat jelas ini memberikan gambaran kepada jamaah untuk tetap istiqomah dalam membaca al Qur’an. Materi khutbah bahasa sunda juga bisa Anda dapatkan disini.
Berikut ini contoh materi khutbah jumat singkat pada bahasa sunda lengkap dengan khutbah pertama dan kedua.
(Penulis: Ustadz Abbas Karim, Alumni Pesantren Madrasatul Qur’an (MQ) Tebuireng, Jombang)
KHUTBAH JUMAT I
إِنَّ الْحَمْدَ لِلَّٰهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللّٰهِ مِنْ شُرُورِ أَنْفُسِنَا وَسَيِّئَاتِ أَعْمَالِنَا، مَنْ يَهْدِ اللّٰهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلَّا اللّٰهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ، اَللَّهُمَّ صَلِّ عَلَى سَيِّدِنَا مُحَمَّدٍ وَعَلىَ آلِهِ وَأَصْحَابِهِ وَسَلِّمَ تَسْلِيْمًا كَثِيْراً،
أَمَّا بَعْدُ: فَيَا عِبَادَ اللهِ أُوْصِيْكُمْ وَاِيَّايَ أَوَّلاً بِتَقْوَى اللهِ تَعَالىَ وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ، قَالَ اللهُ تَعَالَى فِي الْقُرْآنِ الْعَظِيْمِ، شَهْرُ رَمَضَانَ الَّذِي أُنزِلَ فِيهِ الْقُرْآنُ
Ma’asyiral muslimin rahimakumullah
Bulan Ramadhan anu nembe kalangkungan ku urang sadayana teh minangka Bulan Al-Qur’an, hal ieu sakumaha anu difirmankan ku Allah dina surat Al-Baqarah ayat 185:
شَهْرُ رَمَضَانَ الَّذِي أُنزِلَ فِيهِ الْقُرْآنُ
Hartosna: “Bulan Ramadhan teh bulan anu di jerona diturunkeun Al-Qur’an.”
Dina kitab Tafsir al-Qur’an al-‘Adhim, Imam Ibn Katsir nerangkeun yen ieu ayat nuduhkeun kana kaagungan jeung kautamaan bulan Ramadhan, sabab dina eta bulan Al-Qur’an diturunkeun ku Allah Ta‘ala.
Nu dimaksud diturunkeun teh nyaeta diturunkeun sakaligus ti Lauhul Mahfuz ka Baitul ‘Izzah di langit dunya, tuluy diteruskeun ku cara diturunkeun berangsur-angsur ka Nabi Muhammad ﷺ salila dua puluh tilu taun.
Tah ayeuna urang tos nincak di Bulan Syawal, dina bulan ieu minangka ujian tina buah ibadah nu geus dipelak jeung dipanen dina bulan suci Ramadhan. Imam Ibnu Rajab al-Ḥanbali dina kitab Lathâ’iful Ma‘ârif nyebatkeun:
“Saenyana ganjaran tina hiji amal kahadean teh nyaeta taufik ti Allah pikeun nuluykeun amal kahadean sanggeusna. Ku sabab kitu, saha wae nu geus ngalaksanakeun puasa Ramadhan lajeng nyambungna ku puasa genep poe dina bulan Syawal, eta jadi tanda yen amal-amalna geus ditarima ku Allah SWT.”
Syawal teh lain saukur bulan kameunangan, tapi oge mangrupa momen awal pikeun ngukur kumaha ajegna kaayaan ruhani urang. Lamun dina bulan Ramadhan hiji jalma rajin maca Al-Qur’an, mangka bulan Syawal jadi waktu pikeun ngajaga supaya eta amalan tetep lumangsung, teu pegat ku waktu jeung kabiasaan. Dina Sunan al-Tirmidzi, Rasulullah ﷺ ngadawuh:
أَحَبُّ الْأَعْمَالِ إِلَى اللَّهِ أَدْوَمُهَا وَإِنْ قَلَّ
Hartosna: “Amal nu pang dipikaresepna ku Allah teh nyaeta amal nu dilakonan kalawan ajeg (teras-terasan), sanajan saeutik.”
Ma’asyiral muslimin rahimakumullah
Para ulama salaf ngajadikeun bulan Syawal minangka titik awal pikeun ngajaga konsistensi sagala rupa ibadah nu geus dilatih dina bulan Ramadhan, utamana dina hubungan jeung Al-Qur’an. Imam Nawawi dina kitab at-Tibyân fî Âdâb Ḥamalat al-Qur’ân nyebatkeun:
“Jalma nu paling berhak pikeun nuluykeun maca Al-Qur’an teh nyaeta jalma nu geus biasa maca Al-Qur’an dina bulan Ramadhan. Ku sabab kitu, sing daek neruskeun wirid tilawahna sanggeusna.”
Imam Nawawi oge nyebutkeun yen para sahabat jeung tabi‘in ngabogaan kabiasaan husus dina maca Al-Qur’an. Di antara aranjeuna aya nu bisa khatam Al-Qur’an unggal tilu poe, aya nu lima poe, sarta aya oge nu tujuh poe. Ieu lain kagolongkeun kana lebay atawa kaleuleuwih, tapi sabab Al-Qur’an geus jadi pusat kahirupan aranjeuna sapanjang taun, lain ngan dina bulan Ramadhan wungkul.
Dina konteks bulan Syawal, urang oge dipapatahan pikeun ngalaksanakeun puasa genep poe. Dina kitab Sahih Muslim disebutkeun:
مَنْ صَامَ رَمَضَانَ ثُمَّ أَتْبَعَهُ سِتًّا مِّن شَوَّالٍ، كَانَ كَصِيَامِ الدَّهْرِ
Hartosna: “Saha wae nu puasa dina bulan Ramadhan, tuluy dituturkeun ku puasa genep poe dina bulan Syawal, maka saolah-olah anjeunna puasa saperti puasa sataun.” (HR. Muslim, no. 1164)
Ieu hadits nuduhkeun kaagungan jeung kahadean puasa Syawal, sabab ganjaranna dihijikeun jeung ganjaran puasa sataun lengkep.
Imam al-Nawawi dina kitab Syarh Sahih Muslim ngajelaskeun yen hikmah dilaksanakeunana puasa genep poe di bulan Syawal teh nya eta pikeun nuluykeun latihan kana ketaatan anu geus dipiboga dina bulan Ramadhan, sangkan tetep lumangsung dina bulan-bulan salajengna.
Ma’asyiral muslimin rahimakumullah
Aya hubungan anu raket antara puasa jeung Al-Qur’an. Puasa teh mangrupa bentuk ngaleungitkeun diri tina kahayang hawa nafsu dunya, sedengkeun Al-Qur’an teh jadi pangisi ruh urang ku cahaya wahyu.
Ku kituna, sumanget Ramadhan moal sampurna lamun teu dituluykeun ku kabiasaan maca, memahami, jeung ngalaksanakeun eusi Al-Qur’an dina bulan Syawal jeung bulan-bulan salajengna.
Salah sawios ulama ngadawuh: “Lamun saurang mu’min ngajadikeun bulan Ramadhan minangka mangsa latihan, mangka bulan Syawal teh mangrupa mangsa ujianna. Sedengkeun tanda kasuksesan dina ujian eta nya eta ajegna manehna dina ngukudukeun Al-Qur’an minangka pituduh hirupna.”
Dina kitab Sahih al-Bukhari oge disebutkeun yen Siti Aisyah radhiyallahu ‘anha ngadawuh: “Sakumaha kabiasaan Rasulullah ﷺ, upami parantos ngalakukeun hiji amal, anjeunna moal ninggalkeun eta amal salilana.”
Ieu nuduhkeun yen Nabi Muhammad ﷺ lain jalma nu ibadahna ngan ukur musiman, tapi anjeunna ngalakukeun ibadah sacara ajeg, teu pegat ku waktu. Sabab Al-Qur’an jadi ruh nu salawasna nyertaan kahirupan sapopoena Rasulullah ﷺ. Dina Surat Al-Muazammil ayat 4 Allah ngadawuh:
وَرَتِّلِ الْقُرْآنَ تَرْتِيلًا
Hartosna: “Jeung baca ku anjeun Al-Qur’an ku cara tartil.”
Imam Al-Qurthubi dina kitab tafsirna ngomentaran kana ayat eta yen tartil teh lain ngan saukur urusan bacaan nu luyu jeung tajwid, tapi oge aya kaitana sareng tadabbur, pamahaman, jeung palaksanaanana dina kahirupan sapopoe.
Ku kituna, saha wae nu ngajadikeun bulan Syawal minangka awal pikeun disiplin maca Al-Qur’an kalayan tartil jeung tadabbur, eta hartina anjeunna keur nyieun pondasi mujahadah anu leuwih jero tibatan ukur kabiasaan lahiriah. Ibnul Jawzi dina kitab Saydul Khathir nyebatkeun:
“Sabenerna, kuring manggihan hate kuring nu panghirupna teh nalika muka Al-Qur’an, tuluy ngalenyepan unggal ayatna kalawan tadabbur. Teu aya kasaimbangan tina katenangan nu bisa nandingan eta waktos.”
Ma’asyiral muslimin rahimakumullah Hayu urang jadikeun bulan Syawal minangka lengkah anyar pikeun leuwih deukeut ka Al-Qur’an, ngalaksanakeun puasa sunnah leuwih sering, ngajaga shalat kalawan ajeg, oge terus ngabagikeun kahadean ka papada makhluk sakumaha nu parantos urang lakukeun salila bulan Ramadhan kamari.
Mugia Allah narima sagala amal urang sadaya, ngukuhkeun lengkah urang dina jalan ketaatan, sarta maparin taufik pikeun tetep istiqamah nepi ka ahir kahirupan. Amin ya rabbal alamin.
بَارَكَ اللهُ لِي وَلَكُمْ فِي الْقُرْآنِ الْعَظِيمِ وَنَفَعَنِي وَإِيَّاكُمْ بِمَا فِيهِ مِنَ الآيَاتِ وَالذِّكْرِ الْحَكِيمِ أَقُولُ مَا سَمِعْتُمْ وَأَسْتَغْفِرُ اللهَ الْعَظِيْمَ لِيْ وَلَكُمْ إِنَّهُ هُوَ الْغَفُورُ الرَّحِيمُ
KHUTBAH II
اَلْحَمْدُ للهِ الَّذِيْ أَنْعَمَنَا بِنِعْمَةِ الْاِيْمَانِ وَالْاِسْلَامِ. وَالصَّلَاةُ وَالسَّلَامُ عَلٰى سَيِّدِنَا مُحَمَّدٍ خَيْرِ الْأَنَامِ. وَعَلٰى اٰلِهِ وَأَصْحَابِهِ الْكِرَامِ. أَشْهَدُ اَنْ لَا اِلٰهَ اِلَّا اللهُ الْمَلِكُ الْقُدُّوْسُ السَّلَامُ وَأَشْهَدُ اَنَّ سَيِّدَنَا وَحَبِيْبَنَا مُحَمَّدًا عَبْدُهُ وَرَسُوْلُهُ صَاحِبُ الشَّرَفِ وَالْإِحْتِرَامِ. أَمَّا بَعْدُ
فَيَاأَيُّهَا النَّاسُ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ، فَقَالَ اللهُ تَعَالَى اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يٰأَيُّهَا الَّذِيْنَ أٰمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللّٰهُمَّ صَلِّ وَسَلِّمْ وَبَارِكْ عَلٰى سَيِّدِنَا مُحَمَّدٍ وَعَلٰى أٰلِ سَيِّدِنَا مُحَمَّدٍ كَمَا صَلَّيْتَ عَلٰى سَيِّدِنَا اِبْرَاهِيْمَ وَعَلٰى اٰلِ سَيِّدِنَا اِبْرَاهِيْمَ وَبَارِكْ عَلٰى سَيِّدِنَا مُحَمَّدٍ وَعَلٰى اٰلِ سَيِّدِنَا مُحَمَّدٍ كَمَا بَارَكْتَ عَلٰى سَيِّدِنَا اِبْرَاهِيْمَ وَعَلٰى اٰلِ سَيِّدِنَا اِبْرَاهِيْمَ فِي الْعَالَمِيْنَ اِنَّكَ حَمِيْدٌ مَجِيْدٌ
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ أَلْأَحْيَاءِ مِنْهُمْ وَالْأَمْوَاتِ إِنَّكَ سَمِيْعٌ قَرِيْبٌ مُجِيْبٌ دَعَوَاتٌ وَقَاضِيَ الْحَاجَاتِ وَغَافِرُالذُّنُوْبِ والخَطِيئَاتِ يَارَبَّ الْعَالَمِيْنَ. رَبَّنَا اٰتِنَا فِي الدُّنْيَا حَسَنَةً وَفِي الْاٰخِرَةِ حَسَنَةً وَقِنَا عَذَابَ النَّارِ
عِبَادَ اللهِ إِنَّ اللّٰهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ، فَاذْكُرُوا اللهَ الْعَظِيْمَ يَذْكُرْكُمْ، وَاشْكُرُوْهُ عَلٰى نِعَمِهِ يَزِدْكُمْ، وَاسْئَلُوْهُ مِنْ فَضْلِهِ يُعْطِكُمْ، وَلَذِكْرُ اللهِ اَكْبَرُ
Silahkan bergabung dengan kami di Grup Telegram, Wa, atau Facebook untuk mendapatkan materi terbaru dari KHUTBAHSINGKAT.com Klik JOIN NOW
