Tiyang ingkang ngalap nur ipun islam tamtu bade pikantuk pitedah ingkang leres. Sak wangsulipun, tiyang ingkang ngalap sanes ipun nur islam tamtu bade lepat merginipun. Agomo islam menjamin kemulyaan tuwin keluhuran dateng poro penederek ipun. Alloh dawuh:
وَلِلَّهِ الْعِزَّةُ وَلِرَسُوْلِهِ وَلِلْمُؤْمِنِيْنَ
“Lan kamulyaan (keluhuran) iku kagungane Alloh, utusane lan sekabehane wong-wong mukmin”. (QS. al-Munafiqun: 8)
Ma’asyirol muslimin, hafidzo kumulloh….
Monggo sami sadar lan ngawasi dateng awak kito piyambak-piyambak lan awak kito dipun emutaken bilih kito meniko anggadahi sumpah janji kalian Alloh swt. Janji bilih Alloh meniko sesembahan kito tuwin kito bade nindaaken taat soho ngabukti dateng Alloh. Inggih meniko ingkang dipun wastani Yaum al-‘Ahdi wa al-Mitsaq.
مَا يّوْمُ الْعَهْدِ وَالْمِيْثَاقِ؟هُوَ يَوْمٌ فِيْهِ أَرْوَاحُ الْعِبَادِ وَأَحْضَرَهُمْ وَسَأَلَهُمْ, فَقَالَ لَهُمُ اللَّهُ تَعَالَى: أَلَسْتُ بِرَبِّكُمْ, قَالُوْا بَلَى أَيْ أَنْتَ رَبُّنَا
“Opo yaum al-‘ahdi wa al-mitsaq (dino sumpah janji) iku? Hiyo iku dino kang ono ing dino iku kabeh ruhe poro kawulo ditekaakne Alloh swt. Banjur ditakoni: “Ingsun Alloh opo mbok anggep pangeranmu? Poro arwah njawab: “Inggih panjenengan meniko pangeran kitho”. Lajeng dipun saksiaken dateng poro malaikat, ingkang supados benjang wonten akhirat kitho mboten saget ingkar lan selak malih dateng perjanjian kasebat”.
Al-Qur’an nggambaraken perkawis meniko:
وَإِذۡ أَخَذَ رَبُّكَ مِنۢ بَنِيٓ ءَادَمَ مِن ظُهُورِهِمۡ ذُرِّيَّتَهُمۡ وَأَشۡهَدَهُمۡ عَلَىٰٓ أَنفُسِهِمۡ أَلَسۡتُ بِرَبِّكُمۡۖ قَالُواْ بَلَىٰ شَهِدۡنَآۚ أَن تَقُولُواْ يَوۡمَ ٱلۡقِيَٰمَةِ إِنَّا كُنَّا عَنۡ هَٰذَا غَٰفِلِينَ. (الأعراف: 172)
“Kanjeng nabi kedawuhan ngendiko: Yen ono ing alam arwah, sak wise dituduhne buki-bukti kekuasaane pangeran, poro tedak turune Adam didangu deneng pangeran: “Opo ingsun iku ora pangeran siro kabeh? Tedak turune Adam podo mangsuli: ”Inggih panjenengan meniko pangeran kitho, kitho sedoyo sami nekseni”. Besok ono dino kiamat supoyo siro kabeh ora biso ngucap: ”Anane kitho sedoyo podo kafir jalaran kitho sedoyo mboten dipun mangertosaken dateng pangeran”. (QS. al-‘Arof: 172) (Tafsir Munir I/206).
Ma’asyirol muslimin, hafidzo kumulloh….
Baca halaman berikutnya…
Ningali keterangan meniko, saget dipun simpulaken bilih sedoyo manungso ingkang dipun laheraken wonten alam dunyo meniko sampun anggadahi perjanjian kalian Alloh swt. Janji bade nyembah, ngabukti, ibadah, soho taat dateng Alloh. Menawi kitho saget nepati janji meniko, bade dipun bales Alloh kanti suwargonipun. Sebalik ipun, menawi kitho mboten saget netepi janji kasebat tuwin mboten ngakeni Alloh dados pangeranipun, tamtu Alloh bade nyemplungaken wonten neroko nipun. Na’udzubillahi min dzalik.
