ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ
Hartosna, “Saterasna aranjeun temen-temen bakal ditaros perkawis ni’mat dina poe harita,” (QS. At-Taktsur[102]: 8).
Kaopat, sifat ujub sareng ngarendahkeun kahormatan batur. Akibatna, manusa jadi sombong, ngarasa boga sagalana, jeung teu daek ngajenan ka batur. Keur nutup lawang eta urang kudu boga sifat handap asor sareng rasa sieun kana goreng balukarna. Kalih ti eta, urang sing emut dawuhan Alloh yen kamulyaan sareng kaagungan teh hungkul kagungan Mantenna:
وَلِلّٰهِ ٱلۡعِزَّةُ وَلِرَسُولِهِۦ وَلِلۡمُؤۡمِنِيْنَ وَلَٰكِنَّ ٱلۡمُنَٰفِقِيْنَ لَا يَعۡلَمُوْنَ
Hartosna, “Padahal kamulyaan (kaluhuran) teh hungkul kagungan Alloh, kagungan Rasul-Na sareng kagungan jalma-jalma mu’min, tapi jalmi-jalmi anu munafek teu apal,” (QS. Al-Munafiqun [63]: 8).
Kalima, lawang godaan setan teh nyaeta sifat hasud, riya, jeung koret. Ari hasud hartosna kayahang leungitna ni’mat nu aya di batur, riya hartosna migawe amal tapi hayang katangar ku batur, sedengkeun koret nyaeta sifat rupekna hate sahingga embung ngabagi ni’mat ka batur.
Keur nutupna leungitkeun sifat hasud, pigawe amal sing ikhlas, oge diajar barahan ka sasama. Sing emut nu kasampeur ku urang dina Poe Kiamah mah nyaeta harta anu ku urang dititipkeun di jalan Alloh, sakumaha dawuhan-Nana.
مَا عِنْدَكُمْ يَنْفَدُ وَمَا عِنْدَ اللّٰهِ بَاقٍۗ
Hartosna, “Naon anu aya di sagigireun aranjeun bakal ngiles, sementawis anu aya di sagigireun Allah bakal lana,” (QS. Al-Nahl [16]: 96).
Kagenep, lawang panggoda setan teh nyaeta sifat rakus sareng ngarep ka papada makhluk. Ubarna eureunan ngarep kana pamere makhluk, sakaligus sing percaya kana perkara nu aya di payeuneun Alloh. Sing emut kana dawuhan-Nana:
BACA HALAMAN BERIKUTNYA..
