Katilu, masalah etika dina shaum mangrupakeun pokok pergaulan sapopoe, mun jalma boga etika pasti bakal dihargaan, tapi ulah miharep jalma ngahargaan lamun urang hente pernah ngahargaan ka batur.
Etika anu shaum atawa anu henteu shaum pada- pada wajib silih ajenan. Keur anu henteu shaum etikana kudu nutupan yen dirina henteu shaum, ulah sembarangan cuam caem balangdahar di mana wae.
Masalah shaum eta urusan pribadi, rek shaum heug henteu oge heug, ngan kahayang teh kudu boga kaera mun bulan puasa balang dahar sembarangan, paling saeutik kudu era ku jelema lamun teu era ku gusti Allah.
Mun teu boga kaera ku jalma berarti eta nandakeun yen dina dirina henteu boga iman.Saperti pada umum jalma anu beda agama, malah sopan keneh jalma non muslim sok ngahargaan sanajan manehna teu shaum.
Sedengkeun keur jalma anu shaum kanu henteu puasa etikana kudu ngelingan, kucara mere nasehat atawa ngawurukan sangkan urang ngajaga balang dahar sanajan henteu shaum.
Sabab penting kacida urang ngajaga tina penilaian negatif batur terhadap diri urang, sahingga ulah dianggap ku batur yen urang tara shaum tara shalat tara ibadah, kajaba mun urang geus bener-bener henteu ngaku kana agama Islam.
Dina agama Islam aya wacana mun berbuat maksiat bari nyumput eta masih aya kahadean keneh. tapi lamun nyieun kagorengan bari terang terangan nandakeun geus ruksak imanna.
Saur Kangjeng Nabi yen era teh bagian tina iman الحَيَاءُ مِنَ اْلإِيْمَانِ Hartina lamun jalma teu boga rasa kaera dina waktu berbuat maksiat berarti eta jalma geus kurang imanna.
Hadirin jamaah Id rohimakumulloh
مَنْ رَآى مِنْكُم مُنْكَرا فليغيره بيده فإن لم يستطع فبلسانه وإن لم ييستطع فبقلبه وذلك أضعف الإيمان
Hartosna, “saha jalma anu ningali pamungkaran di antara anjeun maka kudu ngarobah ku leungeunna, mun henteu mampu ku leungeun kudu ngarobah ku letahna, jeung lamun henteu mampu ku letah kudu ngarobah ku hatena, jeung eta teh panglemahna iman” kitu numutkeun pitutur Rasulullah SAW.
Dumasar kana hadits diluhur ngandung harti yen mun aya pamungkaran ulah diantep tapi kudu di da’wahan sesuai kamampuan masing-masing.
Hadirin jamaah Id rahimakumullah
Kaopatna, ari shaum ditingali tina segi falsafah nyaeta terwujudna perobahah sikap mental, moral, spiritual, emosional jeng sosial. Mental jalma anu shaum kudu tahan uji kudu siap menghadapi sagala rintangan jeung tantangan, kudu sabar, ulah cengeng ulah epes meer ulah teu kaopan, ulah ngarasa lemah ulah ngarasa minder.
وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ
Hartosna, poma anjeun ulah ngarasa hina ulah ngarasa nalangsa, sedengkeun anjeun teh jalma anu luhung lamun anjeun tetep jadi jalma anu beriman. (QS.Ali Imran : 139)
BACA HALAMAN BERIKUTNYA..
