Saha wae jalma anu ingkar kana wajibna shaum ramadlon berarti murtad, hartosna eta jalma tos kaluar tina Islam, pon nyakitu deui anu teu shaum di bulan ramadlon kalawan ingkar kana wajibna shaum maka dihukuman murtad, nu kitu lain wae wajib qadlo tapi wajib disyahadatkeun deui, lamun henteu syahadat deui eta jalma dihukuman kafir. Sakumaha pidawuh Mantena dina salah sawios ayatna.
إِنَّ الَّذِينَ كَفَرُوا وَمَاتُوا وَهُمْ كُفَّارٌ أُولَٰئِكَ عَلَيْهِمْ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ خَالِدِينَ فِيهَا ۖ لَا يُخَفَّفُ عَنْهُمُ الْعَذَابُ وَلَا هُمْ يُنْظَرُونَ
“Saestuna ari jalma anu kafir tur maot dina kaayaan kafir maka eta jalma-jalma teh bakal meunang la’nat Allah, malaikat jeung sakabeh manusa, maranehna abadi di Naraka tur moal meunang karinganan sarta moal ditingali-tingali acan” (Qs. Al-Baqoroh: 161-162)
Ancaman dina ayat ieu diantarana ditunjukeun pikeun jalma anu ingkar kana wajibna shaum, kalawan ancamannana naraka salalawasna.Sedengkeun keur jalma anu henteu shaum tanpa uzur tapi tetep nekadkeun kana wajibna shaum, maka dihukuman jalma doraka, kalawan wajib thobatna jeung ngodoan dina bulan sejenna.
Kadua, dina segi fiqih, shaum kudu dilaksanakeun kalayan akur jeng katangtuan hukum diantarana rukun shaum kudu nganiyatan di waktu peuting jeung ngajaga tina sagala rupa anu matak ngabatalkeun dina waktu beurangna. Sedengkeun sahna shaum kudu beragama Islam, mumayyiz (hartina bisa ngabedakeun antara hade jeng goreng), terus shaum teh kudu suci tina darah hed jeng nifas.
shaum mung wajib keur jalma anu berakal, baligh jeung mampu ngalaksanakeunnana. Sedengkeun keur jalma anu henteu kuat saperti anu gering jeung musafir henteu wajib puasana, tapi wajib qado di bulan sejenna.
أَيَّاماً مَّعْدُودَاتٍ فَمَن كَانَ مِنكُم مَّرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْراً فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ
“Hartosna, shaum dina pirang pirang poe anu ditangtukeun, saha wae anu teu ngalaksanakeun shaum lantaran gering atawa musafir maka qodoan shaumna dina poe lain, sedengkeun lamun teu mampu shaum sabab uzur maka kudu diganti ku fidyah nu dipasrahkeun ka jalma miskin anu lobana samud sapoena, jeung saha jalma anu nyieun kahadean kucara nambahan fidyah maka eta leuwih utama, jeung lamun shaum eta leuwih hade pikeun aranjeun kitu ge lamun aranjeun pada ngarti.” (QS.Al-Baqarah, 184)
BACA HALAMAN BERIKUTNYA..
