Amargi mboten sadayaning tiyang, utaminipun umat Islam, saged ngibadah kaliyan tenang amargi kawontenan lan kondisi lingkungan ingkang mboten aman. Kados ingkang kita mangertosi menawi salah setunggal misi utami diciptakanipun manungso inggih puniko kangge ngibadah dhateng allah swt.
وَمَا خَلَقْتُ الْجِنَّ وَالْاِنْسَ اِلَّا لِيَعْبُدُوْنِ
Supados kualitas ibadah ingkang kita lampahaken saged maksimal, tamtu ketenangan lan keamanan lebeting ngibadah dados faktor paling wigatos. Kiyatipun keimanan kedah dipunsengkuyung kaliyan kondisi keamanan lingkungan, supados ibadah saged dipunlampahaken kaliyan khusyuk utawi tenang.
Lan alhamdulillah, tsummalhamdulillah, kita Bangsa Indonesia saged ngraosaken kondisi nagari ingkang aman, mila saged ngibadah kaliyan khusyuk lan tenang.
Kaliyan terus bersyukur lan ngrekso [ngrumat] kawontenan lan kondisi puniko, Insyaallah, Allah swt badhe mlebetaken kita dhateng lebeting tiyang-tiyang ingkang pinter bersyukur, lan nikmat puniko badhe terus dipuntambah dening Allah swt. Allah berfirman:
وَاِذْ تَاَذَّنَ رَبُّكُمْ لَىِٕنْ شَكَرْتُمْ لَاَزِيْدَنَّكُمْ وَلَىِٕنْ كَفَرْتُمْ اِنَّ عَذَابِيْ لَشَدِيْدٌ
Jamaah jemuwah rahimakumullah,
Tantangan kangge mertahanaken kedamaian lan keamanan puniko tamtu mboten gampil. Langkung-langkung ing era perkembangan teknologi ingkang ndamel deresipun arus informasi. Selain manfaat kangge hal positif, kegampilan penyebaran informasi ing era digital, ugi rawan disalah-gunaaken kangge mengaruhi pemahaman masyarakat lebeting beragama lan berbangsa.
Saat puniko, mboten ngangge senjata lan kekiyatan fisik kangge nyerang lan nggerakaken tiyang. Nanging, cekap kaliyan propaganda lewat internet, utaminipun media sosial saged nebihaken masyarakat saking pola beragama lan bernegara ingkang sampun dados warisan poro pendiri bongso.
Pinten-pinten macem aliran lan paham keagamaan, usaha kangge ngerubah tatanan beragama lan berbangsa ingkang sampun cocok kangge bangsa indonesia puniko.
Hal puniko tamtu kedah kita waspadai sareng kaliyan terus nglampahaken perlawanan, utamainipun perlawanan digital dhateng narasi-narasi, utawi wartos-wartos awon ingkang badhe memecah belah bangsa. Semangat cinta tanah air kedah terus digelorakan baik ing kehidupan nyoto utawi dhateng ineternet.
Kalimat bijak hubbul wathan minal iman (nasionalisme inggih puniko sebagian saking iman) kedah kita contoh saking Rasulullah SAW ingkang ugi sampun ngemutaken kangge tresna dhateng nagari piyambak.
Setunggaling criyos lebet hadits ingkang diriwayatkan ibnu hibban nyebat:
عَنِ ابْنِ عَبَّاسٍ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: مَا أَطْيَبَكِ مِنْ بَلْدَةٍ وَأَحَبَّكِ إِلَيَّ، وَلَوْلَا أَنَّ قَوْمِي أَخْرَجُونِي مِنْكِ، مَا سَكَنْتُ غَيْرَكِ
Artosipun : “Saking Ibnu Abbas ra Piyambakipun wicanten, Rasulullah saw bersabda, ‘alangkah saenipun siro (kota makkah) dadi salah siji negoro, lan siro termasuk negoro kang tak tresnani. Umpomo kaumku ora ngusir aku, temen aku ora bakal manggon ing negoro selain siro” (HR Ibnu Hibban).
Jamaah jemuwah rahimakumullah,
Saking hadits puniko kita mangertos, dalam kondisi menopo-kemawon tanah air inggih puniko papan ingkang paling mboten saged dipunsupekaken lebet gesang salah setunggaling tiyang.
Pinten-pinten usaha dipunlampahaken dening tiyang ingkang merantau kangge saged wangsul dhateng tanah air. Tanah air inggih puniko papan ingkang paling dipuntresnani, mila perlu dipunpertahanaken keamanan lan kemerdekaanipun.
Pramilo, sasi Agustus ingkang wonten sejarah penting proklamasi kamerdekaan, sasampunipun ngalami penjajahan berabad-abad, kedahipun dados momentum ingkang spesial kangge bangsa indonesia.
Kita kedah ngisi kemerdekaan puniko kaliyan hal-hal ingkang positif cocog kaliyan posisi kita piyambak-piyambak. Ingkang petani sumonggo terus nyambut damel kangge dados pahlawan pangan ing era modern. Ingkang dados guru sumonggo terus didik para generasi bangsa.
BACA HALAMAN BERIKUTNYA..
