Kaliyan momentum isra’ mi’raj meniko, sumangga kita ngemut-emut wangsul kepripun kita dipun muliaaken Allah, kita saget sowan dhateng Allah sawanci-wanci ing ndalem saben dinten saben dalu, kita dipunwajibaken sowan panguwaos alam semesta sakathah minimal kaping gangsal.
Tiyang biasa ingkang badhe kepanggih menteri tamtu mboten gampil. Saged dados wekdal ingkang dipunbetahaken dumugi sepekan nembe saged kepanggih. Menopo malih presiden, mungkin saged dumugi sawulan nembe saged kepanggih. Meniko kita dipunperintah sowan dhateng presidenipun presidhen lebet sadinten ndalu tansah dipunsumanggakaken “open house”. Meniko tamtu setunggaling pakurmatan saking panguwaos jagat raya.
Anehipun, atas pakurmatan meniko, kathah ingkang mboten saged manfaataken kesempatan kelawan ingkang sae. Wonten ingkang dereng badhe shalat, utawi badhe shalat nanging taksih bolong-bolong. Naudzu billah.
Lantaran mimbar khutbah meniko kita ngajak, sumangga nata shalat. Ingkang dereng jamaah rutin ing masjid, bilih wonten uleman adzan, sumangga kita gumregah, enggal-enggal murugi uleman meniko. Tiyang ingkang badhe donganipun terkabul, kedahipun bilih allah ngulemi enggal ngabulaken ulem-uleman ingkang rupinipun shalat.
Kaliyan shalat ing wiwiting wekdalipun insyaallah doa-doa badhe gampil diijabahi. Menopo malih shalat inggih meniko ibadah ingkang paling utami. Rasulullah nate dipuntangleti: kegiatan menopo ingkang paling utami, ya Rasul? Lajeng Rasul mangsuli: shalat ana ing awal waktu.
Hadirin ingkang minulya
Kathah sanget hadits ingkang nyebat keutamaan shalat. ing antawisipun sabda Rasulullah:
إِنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلَاتُهُ فَإِنْ صَلُحَتْ فَقَدْ أَفْلَحَ وَأَنْجَحَ، وَاِنْ فَسَدَتْ فَقَدْ خَابَ وَخَسِرَ
Artosipun: Sabenere kang kaping kapisan dihisab ing siji kawula ing dina kiamat saka amale yaiku shalat. Menawa shalate becik, tenane dheweke untung lan sukses. Menawa rusak shalate tenane dheweke dadi wong kang rugi. (HR. Abu Dawud, an-Nasai lan at-Tirmidziy).
Ingkang perlu dados cathetan inggih meniko, menawi shalat mboten angsal ngadeg piyambak. Piyambakipun kedah dipunjangkepi syarat, rukun. Wudhunipun kedah cocog aturan, adusipun kados pundi, waosan fatihah-ipun kados pundi, meniko ingkang betah kita introspeksi.
BACA HALAMAN BERIKUTNYA..
