Salah satunggaling aspèk patuladhan Rasul SAW. ingkang ing wekdal menika penting dipun wujudaken, inggih menika patuladhan kepemimpinan. Rasulullah Muhammad SAW. boten namung dados pemimpin spiritual (za’îm rûhi), ananging ugi pemimpin politik (za’îm siyâsi). Ing konteks wekdal samenika, panjenenganipun saget sinebat minangka pemimpin negari (ra’îs ad-dawlah). Allah subhanahu wa ta’ala paring firman makaten:
وَمَا أَرْسَلْنَا مِنْ رَسُولٍ إِلَّا لِيُطَاعَ بِإِذْنِ اللَّهِ
Lan Ingsun ora ngutus sawijining utusan kajaba mung supaya dièstokaké (ditha’ati) klawan idzining Allah…. (TQS an-Nisa’ [4]: 64).
Rasul SAW. ugi paring patuladhan, ing babagan kepripun hanglampahaken sistem pemerintahan Islam. Panjenenganipun ugi hambangun struktur negari. Panjenenganipun milih lan mangangkat para panguwaos, saé mu’awin, wali menapa déné ‘amil. Panjenenganipun hamilih lan mangangkat para panglima lan komandan pasukan. Panjenenganipun yasa kepolisian lan mangangkat kepala polisinipun. Panjenenganipun mangangkat qâdhi (hakim) kanggé pinten-pinten wilayah. Panjenenganipun ugi mangangkat para pegawai administratif ingkang sinebat kâtib kanggé sawetawis urusan. Sedayanipun niku wau minangka penjelasan tumrap kewajiban ngetrapkan hukum-hukum Islam.
Minangka kepala negari ing Madinah, Rasul SAW. mangetrapaken syariah Islam kanthi totalitas, wiwit awal ngadegipun Negari Islam. Panjenenganipun mangetrapaken syariah kanthi konsisten lan tanpa pandhang bulu.
Rasul SAW. ugi manunggalaken lan manglebur masyarakat ingkang panjenenganipun pimpin, dados setunggal kesatuan umat kanthi ikatan ingkang kokoh, ingih menika ikatan akidah Islam. Panjenenganipun ugi mangleburaken ikatan-ikatan ‘ashabiyyah jâhiliyah, kadidéné ikatan kesukuan lan kebangsaan.
Sanèsipun menika, Rasulullah SAW. mimpin umat ing pangangkah kanggé nindakaken misi agung manyebaraken Islam tumuju ing saindhenging jagad kanthi dakwah lan jihad. Awit karana dakwah menika ugi, Islam dumugi ing negeri mriki.
Akhiripun, sumangga kita dadosaken momentum Maulid Nabi SAW. minangka margi kanggé manuladhani Rasulullah SAW. kanthi totalitas. Manuladhani kapribadènipun, kepemimpinanipun, serta manuladhani anggènipun saged mujudaken sistem ingkang sampun kagarisaken lan kacontohaken, inggih menika sistem Islam, kanthi margi penerapan syariah Islam ingkang kaffah.
Jamaah Jum’at ingkang pinaringan rahmating Gusti Allah SWT.
Makaten ingkang saged kula aturaken ing khutbah Jum’at menika. Hanglenggana bilih sedaya kasampurnan namung kagunganipun Allah SWT. samukawis atur kula ingkang leres awit pitedah saking Allah SWT., lan Rasulipun, mangga kita gondhèli kanthi saèstu. Samukawis atur kula ingkang lepat, awit saking kirangipun pangertosan pribadi kula, mangga kita bucal sak tebihipun, lan mugi panjenengan sedaya kersa hanglubèraken samudra ing pangarsami.
BACA HALAMAN BERIKUTNYA..
