Pendapat larangan nyade kasil sembelihan kurban inggih meniko pendapat Imam Asy Syafi’I lan Imam Ahmad. Imam Asy Syafi’i ngendikan, “binatang kurban kelebet nusuk (kewan ingkang disembelih kangge nyaketaken dhiri ing Allah)”.
Nanging pertanyaanipun, kados pundi menawi ingkang nyade meniko tiyang ingkang nampi (tiyang ingkang mboten kurban)? Mila dalam hal meniko mboten dilarang lan dipun-angsalaken. Amargi hak-ipun sampun pindhah dhateng tiyang sanes.
Nanging, faktaipun ingkang sering dipunsade inggih meniko kulit kewan kurban. Kangge meniko, menawi kito nyembelih piyambak mongko kulitipun ugi kedah dipunsukakaken dhateng tiyang sanes, dipunsukakaken dhateng setunggal tiyang utawi tumut dirajang lajeng dipunbagikaken.
Nanging kangge ingkang dipuntitipaken dhateng panitia masjid, mila solusinipun inggih meniko nalika maringaken kewan kurban supados nyerahaken nami tiyang ingkang dipunparingi kulit kurban. Dados, bilih mangke kulit kurban dipunsade meniko hak-ipun sampun atas nami penerima, mboten malih ingkang berkurban.
Masyiral muslimin sidang jum’at ingkang dirahmati Allah
Ingkang kaping tiga inggih meniko larangan maringi opah penyembelih kewan kelawan ebagian badan kewan kurban. Hal meniko kados riwayat ingkang dipunsebataken dening ‘Ali bin Abi Tholib,
أَمَرَنِى رَسُولُ اللَّهِ -صلى الله عليه وسلم-أَنْ أَقُومَ عَلَى بُدْنِهِ وَأَنْ أَتَصَدَّقَ بِلَحْمِهَا وَجُلُودِهَا وَأَجِلَّتِهَا وَأَنْ لاَ أُعْطِىَ الْجَزَّارَ مِنْهَا قَالَ « نَحْنُ نُعْطِيهِ مِنْ عِنْدِنَا
Artosipun: “Rasulullah shallallahu ‘alaihi wa sallam merintahaken kula kangge mengurusi unta-unta kurban piyambakipun. Kula sedekahkan daging, kulit, lan jilalipun (kulit ingkang dipun-selap ing geger unta kangge nglindungi saking asrep). Kula mboten maringi menopo-menopo saking kasil sembelihan kurban dhateng tukang jagal. Piyambakipun bersabda, “kita arep menehi upah marang tukang jagal saka dhuwit kita dhewe”.
Wonten hadist kasebat saget dipun pendet kesimpulan bilih opah penyembelih kewan kurban meniko sanes dipunpendhet saking sebagian kewan kurban. Ananging shohibul kurban kedahipun nyedhiyakaken opah khusus saking dompetipun piyambak kangge biaya penyembelihan kewan kasebat.
Bilih sohibul kurban badhe maringi daging utawi sebagian saking kewan kurban dhateng tiyang ingkang nyembelih mongko meniko termasuk hadiah utawi shodaqoh. Sanes dados opah.
Masyiral muslimin sidang jum’at ingkang dirahmati Allah
BACA HALAMAN BERIKUTNYA..
