إِنَّمَا جَعَلَ الدَّارَ الْأَخِرَةَ مَحَلاًّ لِجَزَاءِ عِبَادِهِ الْمُؤْمِنِيْنَ، لِأَنَّ هَذِهِ الدَّارَ لاَ تَسِعُ مَا يُرِيْدُ أَنْ يُعْطِيَهُمْ وَلِأَنَّهُ أَجَلَّ أَقْدَارَهُمْ عَنْ أَنْ يُجَازِيْهِمْ فِى دَارٍ لاَ بَقَاءَ لَهَا
Artosipun: Saestunipun Allah ndadosaken negoro akhirat menika, namunga dados negoro papan piwalesan amal ibadah tiyang-tiyang mukmin, amargi alam donya menika mboten cekap kangge dadosaken imbalan saking amal ibadah siro kabeh, mekaten ugi amargi Allah menyayangi siro kabeh, mila mboten nyukani hasil jerih payah siro kabeh ing papan ingkang mboten kekal meniko. (al-hikam)
Ma’Asyirol muslimin rohimakumulloh
Allah ndadosaken pahala kangge tiyang-tiyang mukmin kangge dipunsukakaken ing akhirat amargi kalih sebab, inggih menika; sebab kaping sepindah, ing donya menika mboten cekap nampung pinten-pinten kenikmatan ingkang badhe dipunsukakaken dening Allah SWT dhateng tiyang-tiyang mukmin, keranten ageng sanget.
Saged dipunbayangaken sak krajan mawon ingkang badhe dipunsukakaken Allah dhateng setunggaling tiyang mukmin menika wiyaripun satebih perjalanan gangsal atus tahun, kados ingkang sampun dipunjlentrehaken rasulullah lebet haditsipun.
Dipuntambah malih pinten-pinten keistimewaan lan macem-macem kenikmatan ingkang Allah paringaken, estu donya menika mboten cekap kangge menampungipun. Gesang wonten donya puniki estu mbosenaken lan kebak kaliyan kerendahan, kehinaan lan kekirangan.
Sawentawis kenikmaatan ingkang dipun paringaken ahli suwarga menika mulia sanget lan inggil nilainipun. Kados dipunsebataken wonten hadits
إِنَّ مَوْضِعَ سَوْطٍ فِي الْجَنَّةِ لَخَيْرٌ مِنَ الدُّنْيَا وَمَا فِيهَا وإنّ نُوْر سُوَارِ حَورَاء يَطْمَسُ نُورَ الشَّمْسِ
Artosipun: Saestunipun papan pecut (cambuk jaran) ing lebet surga menika langkung sae daripada donya seisinipun, lan cahaya untu seri widadari suwarga saget memadamkan padange srengenge.
Wonten Al-Qur’an serat as sajdah ayat 17 Allah berfirman
فَلَا تَعْلَمُ نَفْسٌ مَّآ أُخْفِىَ لَهُم مِّن قُرَّةِ أَعْيُنٍ جَزَآءًۢ بِمَا كَانُوا۟ يَعْمَلُونَ
Artosipun: Mboten wonten tiang sumerep pinten-pinten nikmat ingkang ngentosi, ingkang endah dipuntingali dados piwalesipun siro kabeh, atas sedaya ingkang sampun dipun lampahi.
BACA HALAMAN BERIKUTNYA..
