Wonten hal etika dakwah, si ahli ibadah sampun ngelampahi perbuatan diluar batas kewenangan. Piambakipun mboten namung dados Dai (tukang ajak) tapi sekligus hakim (tukang mutusi hukum). Padahal ing Al Qur’an sampun ngemutaken:
اُدْعُ إِلَى سَبِيْلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِيْ هِيَ أَحْسَنُ
Maknanipun: Ngajako nang dalan pengeranmu kelawan bijaksana, ilingno sing apik, lan bantu wong-wong kelawan luwih apik. Temen, pengeranmulah sing ngerti sopo sing sesat teko dalane Allah. Lan Allah moho ngaweruhi wong-wong sing oleh hidayah. (An-Nahl [16]: 125)
وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ
Artosipun: “Lan omongno: ‘Kebenaran iku teko saking pengeranmu; mongko sopo wonge sing kepingin (Iman) supoyo deweke beriman, lan sopo wonge sing kepingin (kafir) jarne ben kafir. (Al-Kahfi [18]: 29).
Jamaah Rahimakumullah
Ayat meniko mboten namung pesen supados ajak-ajak kelawan lembut utawi santun. Ananging, ayat meniko ugi ngemutaken bilih tugas manungso meniko namung sebatas ngajak utawi nyampeaken.
Ngajak mboten sami kaleh mekso, ngajak ugi mboten ngelarang utawi menging. Ngajak inggih meniko nyuwun tiang lintu supados nderek kebagusan utawi kebeneran ingkang kito yakini. Kelawan maringi motivasi, mempengaruhi, lan maringi pinten-pinten alasan ingkang meyakinkan. Purun nderek utawi mboten niku kito serahaken dumateng Allah SWT (tawakkal).
Dalam hal meniko, kito saget nyontoh kanjeng Nabi Muhammad SAW. Ing ndalem masyarakat ingkang fanatik suku-suku, moral ingkang rusak parah, lan lunturipun prinsip-prinsip tauhid dalam jangka 23 tahun kanjeng Nabi sukses ndamel perubahan besar-besaran ing tanah Arab. Pripun kanjeng Nabi saget mekaten? Kunci kesuksesan inggih meniko dakwah bil hikmah, ajak-ajak kelawan bijaksana.
Akhlak kanjeng Nabi langkung ketingal tinimbang ceramah-ceramahipun. Beliau mboten namung merintah tapi maringi contoh. Rasulallah SAW ugi tiang ingkang mahami kondisi mental tiang lintu, menghargai proses, belo tiang-tiang ingkang didzolimi, lan welas asih.
Wonten salah setunggal hadist dipun jelasaken:
عن حذيفة رضي الله عنه قال : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : إِنَّ أَخْوَفَ مَا أَخَافُ عَلَيْكُمْ رَجُلٌ قَرَأَ الْقُرْآنَ ، حَتَّى إِذَا رَأَيْتَ بَهْجَتَهُ عَلَيْهِ ، وَكَانَ رِدْءًا لِلْإِسْلَامِ انْسَلَخَ مِنْهُ وَنَبَذَهُ وَرَاءَ ظَهْرِهِ ، وَسَعى عَلَى جَارِهِ بِالسَّيْفِ ، وَرَمَاهُ بِالشِّرْكِ ” . قُلْتُ : يَا نَبِيَّ اللَّهِ ! أَيُّهُمَا أَوْلَى بِالشِّرْكِ الرَّامِي أَوِ الْمَرْمِيِّ ؟ قَالَ صَلَّى اللَّهُ عَلَيْهِ وَسَلَّمَ : ” بَلِ الرَّامِي
Artosipun: Saking Hudzaifah radliyallâhu ‘anh, Rasulullah dawuh: ‘Temen sing aku kuwatirne nang siro kabeh yaiku wong sing moco Al Qur’an sampek ketok kesenengane lan dadekne benteng Islam, tapi dewek e nglerwakne lan buwak nang gurine panggung, gowo pedang nang tetanggane lan nuduh syirik.’ Kulo (Hudzaifah) tanglet: ‘Wahai Nabi, sinten tiang ingkang panten disifati Syirik, ingkang nuduh utawi ingkang dituduh?’. Rasulallah jawab: ‘sing nuduh’. (HR Ibnu Hibban)
Na’ûdzubillâhi mindzâlik.
BACA HALAMAN BERIKUTNYA..
