Rasulallah pernah cerito tentang tiang kalih (adik-kakak) sangking Bani Israil ingkang gadah sifat benten. Ingkang setunggal sering ngelampahi duso, sementara tiang setunggal male sregep ngibadah. Saben dinten, ternyata si ahli ibadah meniko sumerap derekipun ngelampahi duso utawi maksiat. Lan si ahli ibadah mboten betah lajeng ngemutaken dateng derekipun ingkang ngelampahi duso.
Sepindah sampun diemutaken, ananging mboten enten perubahan. Derekipun tasik ngelampahi duso kados biayasanipun. Kaping kalih si ahli ibadah ngemutaken maleh kanthi ngucap “Lereno!”. Ahli duso lajeng jawab: “Tinggalen aku karo pengeranku, opo awakmu diutus kanggo ngawasiku aku?”. Lajeng, si ahli ibadah meniko jengkel lan ngucap
وَاللهِ لَا يَغْفِرُ اللهُ لَكَ أَوْ لَا يُدْخِلُكَ اللهُ الْجَنَّةَ
Maknanipun: “Demi Allah, Allah gak bakal ngampuni awakmu. Allah gak bakal ngelebokne awakmu nang surgo.”
Kisah meniko jelas banget wonten hadist shahih riwayat Abu Dawud lan Ahmad. Wonten bagian akhir, hadist meniko jelasaken naliko tiang kalih kolo wau sedo. Allah banjur ngempalaken tiang kalih meniko. Dateng tiang ingkang ahli ibadah Allah ngendikan: “Opo awakmu wes ngerti tentang aku? Opo awakmu wes nduwe kemampuan koyo kekuasaanku?”.
Drama meniko lajeng berlanjut, “Budal lan melbuo nang surgo kelawan Rahmat-Ku” dawuhipun Allah dateng ahli dosa utawi maksiat. Lajeng dateng ahli ibadah Allah dawuh “Wahai malaikat, lebokno wong iki nang neroko”.
Jamaah Rahimakumullah
Cerito mekaten nuduhaken pinten-pinten pelajaran dumateng kito sedoyo. Ahli ibadah ingkang sering kito sebut mlebet suwargo ternyata akhiripun mlebet neroko. Lajeng kawulo ingkang sering ngelampahi duso justru angsal Rohmatipun Allah mlebet ing suwargo.
Lanopo kados mekaten? Keranten nasib tiang wonten ing akhirot dados hak ipun Allah, terserah Allah dipun lebetaken suwargo utawi neroko. Kito sebagai manungso mboten gadah kewenangan ngarani tiang utawi kelompok kafir nopo mboten, mlebet suwargo utawi neroko, dilaknat utawi angsal Rahmat. Mboten enten alat kagem ningali kualitas manah lan iman tiang secara pasti.
Ingkang saget kito tingali namung ingkang ketingal mawon utawi lahiriyahipun. Soal kepastian ati, nopo malih nasib benjing ten akhirot mboten wonten tiang ingkang saget memprediksi. Menawi ningali cerito kolowahu tiang ahli ibadah mlebet neroko keranten ngelampahi pinten-pinten kesalahan.
Si Ahli Ibadah sampun lancang mendet hak Allah lan hakimi sederekipun bilih mboten bakal angsal ampunanipun Allah lan mboten bakal mlebet suwargo. Mungkin, si ahli Ibadah niatipun sae inggih meniko ndandani tindak lampahipun supados mboten ngelampahi duso. Ananging, si Ahli Ibadah bersikap ceroboh kados deneng pengeran. Nuduh tiang lintu salah lan dungakne elek marang sederekipun.
BACA HALAMAN BERIKUTNYA..
