Sampun ngantos kito kejiret tipu dayanipun syetan ingkang dorong kito supados ngucap “Dulurku wes ngelarani aku, aku gak bakal sambang”, “dulurku gak pernah sambang aku, mongko aku gak bakal sambang, aku medhot hubungan.”
Rasulullah shallallahu ‘alaihi wasallam ngendikan:
لَيْسَ الْوَاصِلُ بِالْمُكَافِئِ وَلٰكِنَّ الْوَاصِلَ مَنْ وَصَلَ رَحِمَهُ إِذَا قَطَعَتْ (رواه البخاري)
Artosipun: “Wong sing sempurno silaturahime ora wong sing bales silaturahim kelawan silaturahim. Tetapi wong sing sempurno silaturahime yoiku wong sing nyambung silaturahim marang dulure kang medhot silaturahim marang dewek e.” (HR al-Bukhari).
Hadis meniko nuduhaken kito bilih ngawiti silaturahim marang kerabat ingkang medhot silaturahim meniko langkung utomo tinimbang bales silaturahim e kerabat. Allah ta’ala berfirman:
وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (سورة فصّلت: ٣٤)
Artosipun: “Lan ora podo antarane apik lan elek. Nolak o siro kabeh marang ke-elek-an kelawan coro sing luwih apik, mongko ujug-ujug wong sing antaramu lan antarane dewek e ono permusuhan seolah-olah wes dadi kocno sing setia.”(QS Fushshilat: 34).
Ingkang dipun maksud “Nolak o (ke-elek-an)” kelawan coro ingkang langkung becik inggih meniki kados nyikapi emosi kelawan sabar, tumindak ingkang bodoh dipun sikapi kelawan bijak lan nyepuro, serto perbuatan awon dibales kelawan perbuatan sae. Sikap mekaten meniko ingkang saget menyatukan hati lan ngubah keadaan langkung sae.
Ma’asyiral Muslimin wal Muslimat rahimakumullah,
Khotib ugi ngemutaken kito sedoyo wonten ing dinten bebungah meniko supados saling sambang antawisipun dulur, tonggo lan konco. Monggo kito saling berbagi dan saling memberi. Rasulullah shallallahu ‘alaihi wasallam matur:
مَنِ اسْتَطَاعَ مِنْكُمْ أَنْ يَسْتَتِرَ مِنَ النَّارِ وَلَوْ بِشِقِّ تَمْرَةٍ، فَلْيَفْعَلْ (رواه مسلم)
Artosipun: “Sopo wonge sing iso ngelindungi dewek e teko neroko meski kelawan sedekah separuh buah kurmo, mongko lakonono,” (HR Muslim).
Naliko katah tiang ingkang kelangan kerjaan, katah tiang kesusahan pados kerjaan, katah tiang miskin, katah tiang butuh bantuan, milo mpun ngantos supe sedekah. Kito mulai sedekah bantu keluarga kito ingkang mbetahaken. Keranten sedekah dateng keluarga meniko dipun catet 2 pahala, pahala silaturahim lan pahala sedekah.
Lajeng kito sedekah lan bantu tonggo kiwo tengen ingkang mbutuhaken. Lan umpami kito satik mampu, lajeng kito sedekah lan mbantu dateng tiang lintu (tiang tebih) ingkang langkung mbetahaken bantuan. Lantaran sedekah, ingsya allah kito saget tebih saking wabah, saking penyakit lan sedoyo keawonan. Bahkan, lantaran sedekah saget dadosaken kito tebih saking geni neroko lan langsung mlebet dateng suwarganipun Allah SWT.
BACA HALAMAN BERIKUTNYA..
