Tapi, coba kito bayangaken, naliko foto ingkang ngumbar aurat, nyebar ujaran kebencian dateng tiang katah, pripun anggen kito mutus penyebaran meniko? Lan pripun carane kito nyuwun pangapunten dateng tiang-tiang ingkang kito sakiti meniko?
Urusan dosa kalih manungso mawon dereng mantun, menopo maleh kito saget nyuwun pangapunten dateng Allah SWT? Menopo maleh kito sampek nyebar gambar-gambar lan vidio-vidio ingkang ngumbar aurat. Na’u dzubillahimin dzaaliq
Hadirin Rahimakumullah..
Tentu Malaikat Atid utawi sang pencatat amal awon manungso gadah aturan nyatet duso wonten ing zaman internet kados mekaten niki. Pramilo, monggo kito pikir kanti sanget sak derengipun nyebar dosa lewat deriji-deriji kito. Poso ten zaman internet saat meniko nahan diri, nahan deriji-deriji supados mboten ngelampahi maksiat internet.
Kito kedah imut dateng Firmanipun Allah SWT wonten ing Surat Yasin:
إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْءٍ أَحْصَيْنَاهُ فِي إِمَامٍ مُبِينٍ
“Setuhune ingsun Allah nguripno wong-wong mati lan kingsung Allah nulis kabeh sing siro lakoni lan kabeh bekas-bekas sing siro lakoni. Lan kabeh perkoro kuwi mahu bakal ingsung Allah kumpulno ono kitab induk sing nyoto (Lauh Mahfudz).” (QS. Yasin: 12)
Rasulullah SAW saking Jarir bin Abdillah radhiyallahu ‘anhu, Rasulullah shallallahu ‘alaihi wa sallam dawuh:
مَنْ سَنَّ فِي الْإِسْلَامِ سُنَّةً سَيِّئَةً، كَانَ عَلَيْهِ وِزْرُهَا وَوِزْرُ مَنْ عَمِلَ بِهَا مِنْ بَعْدِهِ، مِنْ غَيْرِ أَنْ يَنْقُصَ مِنْ أَوْزَارِهِمْ شَيْء
“Sopo wonge sing ngawiti siji kebiasaan elek nang Islam, mongko dewek e bakal oleh dosa elek, lan dosa saben wong sing ngelakoni elek kerono dewek e, mongko dewek e bakal oleh dosa tanpo dikurangi babar pisan.”
Jamaah Sholat ‘Idul Fitri Rahimakumullah..
Keranten meniko, wonten ing dinten Fitri meniko monggo podo nyepuro ing setunggal lan lintunipun. Sebab, sedoyo tiang mesti gadah kesalahan dateng lintunipun. Ingkang mboten gadah kesalahan namung Allah lan Rasulipun Kanjeng Nabi Muhammad SAW.
BACA HALAMAN BERIKUTNYA..
