Perlu dipun mangertosi bilih mboten wonten perbedaan antawisipun setunggal tiang lan tiang lintunipun, pramilo bejo lan bungah tumrap tiang ingkang termasuk golongan muttaqin. Keranten benjing bakal angsal panggenan ingkang mulyo wonten ngarso dalem Allah SWT.
Jamaah Jumah Rahimakumullah
Allah SWT wonten ing Surat Al-An’am ayat 160 sampun ngendikan
مَنْ جَاءَ بِالْحَسَنَةِ فَلَهُ عَشْرُ أَمْثَالِهَا
“Sopo wae sing gowo amal apik, mongko dewek e bakal oleh pahala tikel sepuluh,”
Dipun kisahaken wonten salah setunggalipun diten, Sayyidah Fatimah az-Zahra kepingin sanget buah delimo. Sayyidina Ali bin Abi Thalib lajeng cepet-cepet berangkat ten peken pados buah delimo. Keranten arto ingkang dibetho Sayyidina Ali sekedik, akhiripun Sayyidina Ali namung tumbas buah delimo setunggal biji kagem Sayyidah Fatimah.
Wonten ing tengah perjalanan, Sayyidina Ali kepanggih tiang miskin ingkang kepingin sanget buah delimo. Lajeng buah delimo wau diparingaken setengah. Naliko dugi griyo, Sayyidina Ali lajeng cerios dateng Sayyidah Fatimah alasan menopo buah delimo kok namung setengah.
Mboten dangu, wonten tiang ndodok lawang. Pas dibuka ternyata wonten tamu Salman Al Farisi kalian beto buah delimo katahe songo. Salman lajeng matur “Niki wonten buah delimo saking Rasulallah SAW kagem Sayyidah Fatimah.” Sayyidina Ali ngendikan “Umpomo buah iki teko Rasulallah mesti jumlahe sepuluh, ora songo.” Kepireng jawaban meniko Salman Al Farisi kaget. Lajeng tanglet “Panjenengan kok semerap Sayyidina Ali?” Sayyidina Ali njawab “mergo aku kelingan dawuhipun Allah SWT
مَنْ جَاءَ بِالْحَسَنَةِ فَلَهُ عَشْرُ أَمْثَالِهَا
“Sopo wae sing gowo amal apik, mongko dewek e bakal oleh pahala tikel sepuluh,”
Jamaah Jumah Rahimakumullah
Mboten namung ditikelaken balasanipun. Tiang ingkang purun lan rajin sedekah bakal dipun tebihaken sangking balak musibah. Rasulallah SAW nate dawuh
دَوُوْا مَرْضَاكُمْ بِالصَّدَقَةِ
“Tambanono wong-wong sing loro nganggo sedekah.”
Al-‘Allamah al-Yafi’ wonten kitab ipun at-Targhib wa tarhib jelasaken setunggal kisah. Wonten ing zamanipun Nabi Sholeh a.s, enten tiang tukang tato ingkang sering ngerusak klambine tiang-tiang. Sekelompok tiang lajeng nemui Nabi Sholeh a.s lan matur “Hai Nabiyullah, penjenengan dungakne tiang tukang tato niku supados kengeng musibah, keranten piambake remen ngerusak klambi-klambi kito.”
Nabi Sholeh a.s lajeng ndungo supados tukang tato kolowau mboten slamet naliko wangsul. Nanging, sontenipun Nabi Sholeh a.s kaget semerap tukang tato slamet saget wangsul kanti mbeto bundelan. Ten lebete bundelan niku wonten ulo ingkang ganas sanget.
BACA HALAMAN BERIKUTNYA..
